Sverri Egholm
Stór frøi millum heimaáskoðararnar, tá dagsins maður Mads Borchers í 88. minutti javnaði til 2-2 fyri 07 Vestur ímóti KÍ í hálvfinaluni í kappingini um løgmanssteypið.
Tá bara átta minuttir vóru leiktir var tað eisini Mads Borchers, sum var síðstur á bóltinum, og legði vágamenn á odda 1-0. Hendan óvæntaða støðan helt sær til inn í seinna hálvleik tá Páll Klettskarð fyrst javnaði og síðani legði KÍ á odda 2-1.
Tá so tveir minuttir vóru eftir av longdari leiktíð vóru vágamenn aftur uppá spæl og javnaðu til 2-2 - sama úrslit sum í hinari hálvfinaluni, sum varð leikt í kvøld millum Víking og HB.
Tað er púra opið tá liðini hittast aftur um ein mánað.
07 Vestur - KÍ 2-2 (1-0)
8’ Mads Borchers 1-0
56’ Páll Andrasson Klettskarð 1-1
64’ Páll Andrasson Klettskarð 1-2
88’ Mads Borchers 2-2
Vinarliga broyt tínar kennifíla - og privatlívsstillingar fyri at síggja hetta innihald