Vár tók sítt egna met í 400 metra frísvimjing

Vár Erlingsdóttir Eidesgaard úr Havnar Svimjifelag setti fyri løtu síðani nýtt føroyskt met í 400 metra frísvimjing.

Tað gjørdi hon á FøroyaMeistarastevnuni á stuttgeil 2022, sum er í Svimjihøllini í Gundadali um vikuskiftið, skrivar Svimjisambandið á heimasíðuni.

Vár svam seg til tíðina 4:14.09 og 780 FINA stig í hesi grein. 

Hon átti sjálv tað nú farna metið á 4:14.59, frá tá ið hon vann silvur á Norðurlendsk Meistarastevnuni í Tórshavn í 2019. 

Sí úrslitalistan her á livetiming.se