Fótbóltur

VFF: HB og B36 skulu helst hittast í finaluni

5. umfar í venjarakappingini varð leikt í dag. Nú er næstan endaliga greitt, hvussu plaseringsdystirnir um eina viku síggja út - sí yvirlit her.

Pætur Petersen var í hopla í Gundadali í dag: Trý mál og tvey upplegg í 5-0 sigrinum á Skála (Mynd: Sverri Egholm)

Pætur Petersen var í hopla í Gundadali í dag: Trý mál og tvey upplegg í 5-0 sigrinum á Skála (Mynd: Sverri Egholm)

2020-02-08 18:12 Author image
Agnar Prestá
placeholder

Fult umfar var í VFF Cup í dag. Hetta var samstundis seinasta "vanliga" umfari. Leygardagin verða fimm dystir í Gundadali, har liðini spæla ímóti hvørjum øðrum. Stigatalvan eftir fimm umfør avgerð hvussu liðini spæla (nummar 1 ímóti nummar 2, 3-4, o.s.fr)

Ein útsettur dystur frá seinasta vikuskifti, tá B36 var á venjingarlegu í Suðuroynni og vann 3-1 á TB í venjingardysti, verður leiktur mikukvøldið. Um B36 vinnur á 1. deildarliðnum í kappingini, verður talan um havnarfinalu í høvuðsstaðnum um eina viku. Um B36 ikki vinnur á Svangaskarði, er tað Víkingur, ið skal spæla finalu ímóti HB. Hesi bæði liðini hava sum tey einastu ikki tapt nakran dyst eftir fimm umfør og hava eins nógv stig.

B36 vann í dag stórt á Argjum. AB er einasta lið sum er í Betri Deildini, ið einki stig hevur fingið í kappingini. Argjamenn hava bert skorað eitt mál og hava latið heili 17 inn. Pætur Petersen gjørdi veruliga vart við seg í Gundadali, har tað skrædnaði hjá Skála seinsta hálva tíman. HB hevur skorað meira enn fýra mál í miðal í kappingini. NSÍ tapti sín fyrsta dyst, ÍF fekk javnleik í Sarpugerði, og EB/Streymur vann tepurt á Toftum. 


VFF Cup, 5. umfar
08.02

AB - B36 0-6 (0-5)
9' Sebastian Pingel 1-0 (Alex Mellemgaard)
12' Hugin Samuelsen 2-0 (Stefan Radosavljevic)
16' Sebastian Pingel 3-0 (Magnus Holm Jacobsen)
37' Árni Frederiksberg 4-0 
44' Alex Mellemgaard 5-0 (Sebastian Pingel)
73' Stefan Radosavljevic (Benjamin Heinesen)

KÍ - NSÍ 2-0 (1-0)
8' Boris Dosljak 1-0 (Deni Pavlovic)
56' Páll Andrasson Klettskarð 2-0 (Jonn Johannessen)
Reytt kort: Alfred Sankoh (47' NSÍ setti ein leikara inn ístaðin) 

B68 - EB/Streymur 1-2 (1-1)
13' Andri Benjaminsen 1-0 
44' Ragnar Bjartalíð Danielsen 1-1 (br.)
70' Teitur Debess Olsen 1-2

HB - Skála 5-0 (1-0)
9' Pætur Petersen 1-0  (Øssur Dalbúð)
61' Pætur Petersen 2-0 (br. - Dan í Soylu)
80' Pætur Petersen 3-0  (Dan í Soylu)
84' Mathias Nygaard 4-0 (Pætur Petersen)
88" Adrian Rúnason Justinussen 5-0 (br. - Pætur Petersen)

Víkingur - ÍF 1-1 (0-0) - spældu 2x35 minuttir
47' Gunnar Vatnhamar 1-0
55' Jan Ólavsson Ellingsgaard 1-0
ÍF fekk tvey reyð kort seint í dystinum. Pól Jákup Lundsbjerg, ið avloyst útvísta Høgna Madsen, fekk sjálvur reytt kort fáar minuttir seinni


Upplýsingar um mál og upplegg: 
Dystir.fo og bolt.fo

Støðan: 
1. HB 11 stig
2. Víkingur 11 stig 
3. KÍ 10 stig
4. B36 9 stig *
5. NSÍ 8 stig
6. ÍF 7 stig
7. Skála 6 stig
8. EB/Streymur 6 stig
9. B68 0 *
10. AB 0

Mikudagin (12.02)
B68 - B36





placeholder
placeholder