Agnar Prestá
- Trúgvi at øll børnini í Føroyum skjótt hava fingið autograf frá okkum.
Hetta sigur Bjarni í Selvindi í smílandi. 21-ára gamli skálamaðurin heldur, at tað er ógvuliga stuttligt at merkja stóra áhugan í Føroyum fyri manslandsliðnum.
Bjarni hevur verið partur av hópinum seinastu mongu dagarnar. Bakspælarin er tó ikki úttikin til EM - hann er eykaspælari.
- Eg kann verða skiftur inn, um onkur skaði kemur ella okkurt. Fari við til Berlin og taki hondbóltsskógvarnar við.
Bjarni í Selvindi heldur, at tað er stuttligt og mennandi at vera partur av tí á ein hátt. Hann skifti til Kristiansand Topphåndball úr barndómsfelagnum StÍF í summar. Hetta var ein góð avgerð fyri hansara menning víðari, staðfestir Bjarni í Selvindi, sum nú hevur royndir úr bestu norsku deildini, har alt gongur skjótari.
Maðurin úr bestu norsku deildini var ikki við flogfarinum í morgun, tá EM-hópurin fór til Berlin. Tað er tó ein lítil møguleiki fyri, at hann verður partur av hópinum til onkran av dystunum í Mercedes Benz Arena.
Sí samrøðuna omanfyri.
Les eisini: Kósin sett móti Berlin
Sí eisini: Leivur Mortensen: EM-fyrireikingar og próvtøka hóska væl saman
Sí eisini: Tróndur Mikkelsen: Nú bíða vit bara at sleppa til Berlin
Sí eisini: Myndir: Seinasta venjingin áðrenn fráferð til Berlin
Sí eisini: Myndir: BankNordik stóð til at bresta
Sí eisini: Video: Landsliðsspælarararnir úr at gera
Vinarliga broyt tínar kennifíla - og privatlívsstillingar fyri at síggja hetta innihald