Agnar Prestá
Hillerød vann í kvøld annan dystin á rað, og annan dystin var tað Adrian Rúnason Justinussen, sum varð avgerandi frammanfyri mótsstøðumálinum.
26-ára gamli vongurin er glóðheitur og málið móti Hvidovre var hansara 10. í 15 dystum í Nordic Bet-deildini í ár. Adrian er nummar tvey á toppskjúttalistanum í næstbestu donsku deildini. Ein OB-spælari hevur 11 mál.
Nummar 17 var til reiðar, tá ein returbóltur kom út til hann stutt uttanfyri brotsteigin. Málverjin var nakað úti úr málinum, og á helur løgnan - men snildan - hátt setti føroyingurin bóltin í netið við høgra fóti.
Sí hæddarpunkt á TV3 Sport - HER
Hetta varð einasta málið í dystinum í Farum. Niðurflytararnir úr Superliguni liggja ananrs á 4. plássi - Hillerød er nú nummar 7 og bert eitt stig frá ovaru hálvu. Um man er har eftir fyrru hálvu av kappingini, so kann man ikki flyta niður.
Adrian Justinussen spældi 83 minuttir á vinstra vongi. Daniel Johansen spældi aftur fullan dyst á vinstra vongbakki. Daniel var við at halda málið reint - millum annað tá hann ruddaði nærum á strikuni í seinastu løtu í yvirtíðini.
Seinasti dystur hjá Hillerød undan landsliðssteðginum er mánakvøldið 11. november í Hobro.
Vinarliga broyt tínar kennifíla - og privatlívsstillingar fyri at síggja hetta innihald