Agnar Prestá
Liðið hjá Áka Samuelsen vann í gjárkvøldið týðandi sigur í næstbestu norsku deildini.
Støðan var annars ikki tann besta hjá Ranheim í útidystinum: Raufoss legði seg á odda í 27. minutti, og seinna helming av seinna hálvleikinum spæld Ranheim í undirtali eftir útvísing.
Tað hjálpti, at Áki Samuelsen hevði javnaði við brotssparki fimm minuttir fyri steðgin. Útfrá upptøkunum sá brotið greitt út til at verða framt uttanfyri brotsteigin, men 21-ára gamli føroyingurin tók av, tá hann slapp at royna seg úr ellivu metrum.
Sí støðuna frá 2.00 - og hæddarpunkt annars - ovast ella á Youtube
Nummar 10 hjá Ranheim hevði nøkur onnur skot og skapti nakrar vandastøður annars. Áki Samuelsen varð skiftur út í 77. minutti, men fýra minuttir fyri leiklok fekk útiliðið sigursmálið í undirtali.
Tað sendi Ranheim upp á 6, plássið í OBOS-deildini, nú seks umfør resta í. Lið frá 3. - 6. pláss skulu spæla um uppflyting (play-off). Tað eru eisini bert trý stig upp til beinleiðis uppflytingina, sum er 2. plássið.
Áki Samuelsen hevur síðani landsliðssteðgin skorað tvey mál og lagt upp til tvey í trimum dystum fyri Ranheim - hann skal aftur spæla fyri U21 í oktober, tá Fraklandi og Sveis vitja føroyska oddaliðið. Samanlagt hevur føroyski vongurin níggju mál og sjey upplegg í OBOS-deildini.
Sí eisini: U21: Ólavur Mikkelsen hevur tikið júst sama hóp út
Vinarliga broyt tínar kennifíla - og privatlívsstillingar fyri at síggja hetta innihald