Agnar Prestá
Geza David Turi spældi aftur 90 minuttir, tá Grimsby í gjár vitjaði Accrinton Stanley í 4. umfari í League Two.
Gøtumaðurin var aftur við í máli hjá Grimsby - men tað endaði, eins og tveimum teimum undanfarnu dystunum við javnleiki. Og eins og um vikuskifti: 2-2.
Video: Geza við í báðum málunum og aftur dagsins maður hjá Grimsby
Eftir fimm minuttir fann Geza Turi á frálíkan hátt viðleikara í Accrington Stanley-brotsteignum. Hann setti fótin á, og so fór bólturin umvegis verjuspælara í máli: Skrásett sum sjálvmál, men føroyingurin átti forarbeiði.
Tað varð 2-0 til Grimsby í 38' minutti, men beint fyri steðgin gjørdi Geza David Turi eitt klossut brotsspark, har miðvallarin satsaði í takkling, eftir at hann hevði mist sín mann.
1-2 og eftir ein tíma var 2-2, sum hóast góðar Grimsby-støður endaði 2-2.
Sí hæddarpunkt ovast
Liðið hevur seks stig fyri fýra umfør og er ósigrað. Men tríggir javnleikir á rað gera, at Grimsby ikki er á møguligum uppflytingarplássi enn. Leygardagin verður roynt aftur móti Cheltenham.
Vinarliga broyt tínar kennifíla - og privatlívsstillingar fyri at síggja hetta innihald