Video: Jana og Rakul síggja fram til spennandi landsliðsuppgávurnar

Sunnudagin spældu donsku liðini hjá teimum báðum móti hvørjum øðrum í Ringkøbing, har tað endaði við dramatiskum sigri til Janu Mittún og Viborg.

Les eisini: Viborg og Jana vendu øllum á høvdið seinastu løtuna

Sí eisini myndir frá uppgerðini HER

Dagin eftir ferðaðust tær til Føroyar, har landsliðið er saman hesa vikuna. Liðið skal fyrireika seg til HM-playoff dystirnar móti Litava í apríl. Samlaði vinnarin har skal til HM-endaspælið í vetur.

Jana Mittún og Rakul Wardum í venjaraleikluti við Tjarnir í gjár, har U8-børn sluppu at læra frá landsliðsspælarum (Myndir: Sverri Egholm)

Sí fleiri myndir: 120 børn til venjing saman við kvinnulandsliðnum

Føroyar spæla fyrra dystin við Tjarnir 9. apríl. At spæla á nýggja heimnavøllinum er nakað, sum Jana Mittún gleðir seg ógvuliga nógv til.

Rakul Wardum er framvegis ein ungur málverji í donskum hondbólti. 

- Nógv stórt og spenanndi er fyri framman við føroyska landsliðnum, so tað ræður um at vera til reiðar til tað.

Ringkøbing-málverjin staðfesti eisini í samrøðuni, at hon vónar at Annika Fríðheim Petersen verður til reiðar til dystirnar móti Litava. Tær hava samstarva í fleiri ár og hóskavæl til hvøja aðra, staðfestir 22-ára gamla havnarkvinnan. Annika hevur ein skaða í løtuni.

Sí samrøðurnar við Janu og Rakul í fullari longd her:

Sí eisini: 
Jana Mittún: - Hava fingið størri álit í Viborg
Rakul Wardum verður serliga nýtt fyri sín X-factor