VÍF í steypafinaluni eftir brotskastkapping

Tað er ikki ofta, at brotskastkapping skal til fyri at avgera ein hondbóltsdyst, men tað var neyðugt í Vestmanna í kvøld.

Í fyrru hálvfinaluni vann VÍF við einum 31-30, og tá støðan var 24-23 eftir 60 minuttir varð greitt, at vestmenningar og kyndilsmenn máttu út í longa leiktíð.

Heilar tvær ferðir máttu liðini spæla tvær ferðir fimm minuttir, tí avgerðin vildi bara ikki fella. Tá 80 minuttir vórðu leiktir var støðan samanlagt 59-59 og dysturin mátti avgerast við brotskastkapping.

Her vóru tað vestmenningar sum vóru stinnari. Kyndilsmenn brendu tvær ferðir, meðan vestmenningar brendu einaferð.

VÍF spælir harvið steypafinalu næsta leygardag. Mótstøðulið verður H71.

Dómaraseðilin sæst her