![placeholder](https://roysni.fo/css/img/banner2x1.png)
Tað er summarferia í felagshondbólti, men nú nýggja kappingarárið spakuliga nærkast, verður gjørt til reiðar til evropeisku kappingarnar.
Í ár verða tvey føroysk feløg umboðaði - hjá bæði monnum og kvinnum eru tað VÍF og H71. Greipuvinnararnir hjá kvinnum, Kyndil, eru millum tey, ið eisini høvdu møguleikan, men sum hava valt ikki at roynt seg í ár.
Tað krevur nógv at kappast í Evropa, og seinastu árini hevur H71 lagt nógv fyri. Tað hevur eisini gingist væl hjá serliga kvinnunum summi ár, og aftur í ár fara H71-kvinnurnar at royna seg.
Hetta verður í fyrstu syftu móti AC Latsia úr kypriotiska høvuðsstaðnum Nicosia. Av stuðulsorsøkum hevur liðið longur navn. (Cyview Developers) Latsia hevur luttikið í triðsterkastu evropeisku kappingini fleiri ferðir seinastu árini men hevur ikki vunnið nakran dyst. Í fjør tapti Latsia fyri maltesiskari mótsstøðu - her burdu verið fín útlit hjá H71, sum ikki hevur somu styrki sum áður, men sum í 2022 var í fjórðingsfinaluni í kappingini.
Kvinnurnar hjá VÍF hava ikki luttikið áður, men nú skulu tær royna seg. Hetta verður móti Jomi Salerno, sum er eitt av fremstu liðunum í Italia. Liðið er nakað sterkari enn tað, sum H71 skal spæla ímóti: Í fjør kom Salerno trygt víðari móti maltesiskari mótsstøðu í European Cup, men tapti síðani móti Gran Canaria.
VÍF skal spæla móti Jomi Salerno úr Italia (Mynd: Sverri Egholm)
Tað er ógreitt, um tað verður ein útidystur og ein heimadystur. Meira sannlíkt er, at liðini avtala at spæla báðar dystirnar í einum landi yvir eitt vikuskifti.
Beint nú fer lutakastið til 2. umfari hjá monnum í gongd. Tað er har, at føroysku liðini koma inn
EHF European Cup 2024/2025
1. umfar (eitur formelt 2. umfar)
H71 - Cyview Developers Latsia (Kýpros)
Jomi Salerno (Italia) - VÍF
Tað er ógreitt, um tað verður ein útidystur og ein heimadystur. Meira sannlíkt er, at liðini avtala at spæla báðar dystirnar í einum landi yvir eitt vikuskifti.
Dystirnir verða spældir í oktober.
Vinarliga broyt tínar kennifíla - og privatlívsstillingar fyri at síggja hetta innihald