Vísa EM-endaspælið á stórskíggja

Í dag fer U20-landsliðið undir EM-endaspælið í Portugal, og fyrsti dysturin verður nú klokkan 12.

Og til ber at síggja dystirnar frá trappuni í Vágsbotni, har teir verða vístir á stórskíggja.

Í morgin spæla Føroyar ímóti Slovenia, og sunnudagin spæla Føroyar ímóti Ungarn. Allir dystirnir eru klokkan 12.

Í sambandi við, at EM-dystirnir verða vístir í Vágsbotni, boðar Tórshavnar kommuna frá, at nakrir vegir verða stongdir fyri allari ferðslu í dag, í morgin og sunnudagin millum klokkan 11.30 og 14.

Talan er um Mylnugøtu, og Bryggjubakka, og ferðsla frá Tórsgøtu fer einvegis eftir Vágsbotni út á Skálatrøð.