- Taki teir minuttirnar eg fái - hevði viljað hjálpt betri til móti endanum

Talan var um ein góðan venjingardyst, sum ikki kendist sum ein venjingardystur, men man iðrar seg um endan og at tað endaði við tapi.

Hetta staðfestir Rói Ellefsen á Skipagøtu, sum var millum eyðsýndu spælararnir í 1. hálvleiki: Fimm mál, tvey upplegg og ágangandi spæl - við snildum. Alt hetta uppá smáar 18 minuttir.

22-ára gamli spælskiparin tók av, nú hann fekk møguleikan - millum annað tá stóribeiggin sat uttanfyri - og tað er júst tað, sum Rói og hinir skulu gera, sigur hann við Portalin.

- Vit mugu bara vinna næstu ferð.

Rói Ellefsen á Skipagøtu og Elias Ellefsen á Skipagøtu (Mynd: Sverri Egholm)

Sí eisini: Flott føroyskt spæl meginpartin av dystinum - men mistu takið