150 børn á fótbóltsskúla í Havn

Hetta vikuskiftið hevur annar av fýra fótbóltsskúlum hjá Fótbóltssambandi Føroya verið í Havn.

Hesa ferð var tað HB, sum skipaði fyri. 150 børn í aldrunum sjey til 13 ár luttóku, og sum heild gekk alt upp á stás, skrivar FSF.

Børnini høvdu tveir góðar og læruríkar dagar á Ovara vølli og á Niðara vølli í Gundadali. Fríggjadagin var dentur lagdur á tekniska og taktiska venjing, meðan leygardagurin bleiv brúktur til spæl og dystir.

Síðst í juli og fyrst í august eru fótbóltsskúlar aftur á skránni, sum verða á Svangaskarði á Toftum og í Hoyvík.