2. umfar í Betrideildini byrjar við braki fríggjakvøldið

Leygardagin fór bólturin endiliga á rull aftur í Betrideildini aftur. Seinasta sparkið í  1. umfari var á Skála sunnukvøldið, og tað er ikki neyðugt at bíða so leingi, til bríkslið ljóðar aftur.

2. umfar í Betrideildini hjá monnum

 Skíggjamynd: fsf.fo

Stórdystur er í Sarpugerði fríggjakvøldið, har úrslitið kann geva eina greiða ábending um, hvønn veg kappingarárini hjá Víkingi og HB fara.

Sama er galdandi dagin eftir, tá B36 tekur ímóti KÍ, og uppflytararnir hittast við Løkin.

Sunnudagin eru tað fýra lið, ið øll vilja sleppa undan tungum niðurflytingarstríði, sum spæla: 07 Vestur við nógvu nýggju spælarunum vitjar í Fuglafirði, og EB/Streymur tekur ímóti B68.

Støðan eftir 1. umfar:
1. KÍ 3 stig
2. B36 3 stig
3. Skála 3 stig
4. Víkingur 3 stig
5. HB 3 stig
6. NSÍ 0 stig
7. 07 Vestur 0 stig
8. EB/Streymur 0 stig
9. B68 0 stig
10. ÍF 0 stig

Betrideildin hjá monnum 2024, 1. umfar
Í gjár, sunnudagur 10. mars
KÍ - ÍF 6-0 (3-0)
Sí eisini: Flúgvandi føroyameistarar móti ÍF

B68 - B36 0-3 (0-2)
Sí eisini: Nýggju menninir hjá B36 gjørdu av álvara bart - Sí myndir

HB - NSÍ 3-2 (2-0)
Sí eisini: Áki og HB vunnu aftur 3-2 - Sí myndir

Skála - EB/Streymur 3-0 (2-0)
Sí eisini: Skála var sannførandi í sínari afturvendan

Leygardagin 9. mars
07 Vestur - Víkingur 0-2 (0-1)
Sí eisini: Ongantíð veruligur ivi um stigini - Sí myndir

Sí eisini: 19 mal í fyrsta umfari