Annika heilsaði uppá liðfelagarnar við Tjarnir

Hon hevði sjálvandi vilja spælt, men ístaðin roynir hoyvíkskvinnan at hjálpa til uttanfyri vøllin, og vónar Annika Fríðheim Petersen at vera til reiðar til eitt møguligt HM-endaspæl í november-desember.

25-ára gamli málverjin hevur verið fastur fúsur á landsliðnum í yvir fimm ár. Hon hevur tó ikki spælt í bestu donsku deildini í seinastuni, har lið hennara, Aalborg í fyrstu syftu bjargaði plássinum. Hetta tí at Annika Petersen er við barn.

Sí eisini: Landsliðsmálverji er við barn

Sí eisini: Skulu spæla um HM-pláss uttan nakrar týðandi spælarar

Eftir ætlan skal Annika eiga í september. Nú er hon í Føroyum fyri at stuðla liðfeløgunum og ikki bert verður dagsins spælari frá EM-javnleikinum móti Kroatia á áskoðaraplássinum við Tjarnir í morgin: Annika Fríðheim Petersen verður eisini við við í ferðalagnum til Litava fríggjadagin.

Annika var til venjingina í dag, har tær í hópinum fingu heilsa uppá hana. Tað gav sanniliga nøkur smíl.

Sí eisini myndir frá dagsins venjing her: Taka seinastu fetini móti stóru uppgávuni við Tjarnir

Sí samrøðu: Fríða: - Eg fari at hjálpa har sum eg kann

Føroyar og Litava spæla fyrra play-off dystin við Tjarnir í morgin, mikudagin 9. apríl, klokkan 19.