Arnar Gunnarsson og Neistin fara hvør til sítt

Samstarvið millum Neistan og Arnar Gunnarsson er steðgað. Hetta er nakað sum íslendski miðilin handbolti.is skrivaði fyrr í dag, men nú váttar Neistin, at partarnir fara hvør til sítt.

Arnar hevur verið høvuðsvenjari hjá neistamonnum síðan 2020, men steðgar nú. Sostatt varð lemjandi tapið í steypafinaluni um vikuskiftið seinasti dysturin hjá Arnari.

H71 vann við 16 málum, 28-12. Støðan í steðginum var 13-5 til hoyvíkingar.

Finnur Hansson og Rasmus Søby taka yvir tað, sum eftir er av kappingarárinum.