Fótbóltur

Arnbjørn heldur fram í EB/Streymi

33-ára gamli málrevurin verður nú eisini fastur partur av venjartoyminum. Hetta er áttandi leikarin, ið hevur gjørt nýggjan sáttmála við EB/Streym seinastu vikurnar.

(Áleyparin hevur ikki verið nógv á vøllinum seinastu árini, men tá hann hevur verið, hevur hann sum oftast skorað. Arnbjørn hevur 152 mál í fremstu føroysku deildini - Mynd: Sverri Egholm)

(Áleyparin hevur ikki verið nógv á vøllinum seinastu árini, men tá hann hevur verið, hevur hann sum oftast skorað. Arnbjørn hevur 152 mál í fremstu føroysku deildini - Mynd: Sverri Egholm)

2019-12-18 07:21 Author image
Agnar Prestá
placeholder

152 mál í 271 dystum í Betrideildini. Triðflest av øllum og bert eitt mál aftanfyri Jákup á Borg á 2. plássinum. Hóast skaðar hava lagt honum meinbogar í vegin seianstu árini, er Arnbjørn Hansen altíð vandamikil í brotsteiginum hjá mótsstøðuliðnum, og seint í gjárkvøldið boðaði EB/Streymur frá, at nýggjur sáttmáli er gjørdur við 33-ára gamla áleyparan

Felagið skrivar, at umframt at vera leikari verður Arnbjørn komandi ár eisini partur av venjaratoyminum hjá Betriliðnum.

[object Object]Arnbjørn Hansen saman við Fríða R. Petersen, formanni (Mynd: ebstreymur.fo)


Arnbjørn Hansen var í HB í 2015 og 2016 men hevur annars verið partur av besta liðnum hjá EB/Streymi síðani 2004. Í fjør spældi hann bert 645 minuttir orsakað av skaðatrupulleikum, men skoraði tó sjey mál. 

Umframt 33-ára gamla áleyparan hevur EB/Streymur seinastu tíðina longt við hesar leikararnar: 

Andras Olsen
Petur Zachariassen
Tóki Johannesen
Mikkjal Samuelsen Hellisá
Gutti Dahl-Olsen
Magnus Jarnskor
Rói Olsen

Fyri viku síðani gjørdist greitt, at venjarin Jákup Martin Joensen eisini stendur á odda í 2020

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder