Arsenal tapti aftur

Arsneal endaði 2022 við sigri á seinasta degnum og á 1. plássi í Premier League. Tað hevði liðið hjá Mikel Arteta møguleikan at gera eisini hesaferð.

Tað byrjaði eisini væl á útivølli móti Fulham. Longu í 5. minutti eydnaðist Bukayo Saka heldur tilvildarliga at skumpað bóltin í málið hjá Fulham, eftir at fyrrverandi Arsenal-málverjin, Bernd Leno, hevði hálvbjargað.

Fulham kom tó betri inn í dystin, og í 29. minutti endaði eitt gott álop við, at Raul Jimenez javnaði til 1-1. Hóast nakrar fínar løtur í 1. hálvleiki megnaði Arsenal so at siga ongantíð at fóta sær heilt eftir málið, og eftir trunkaspæl í samband við hornaspark í 60. minutti avgjørdi Bobby De Cordova-Reid dystin.

Liðið hjá Marco Silva hevði frammanundan tapt tríggjar dystir á rað í Premier League - uttan at skora. Nú bragdaði. Hjá Arsenal var talan um annað tapið á rað. Tað fyri trimum døgum síðani var eisini í London-uppgerð (móti West Ham). Arsenal er harvið á 4. pláss. Tvey stig eru upp til oddaliðið Liverpool, sum hevur spælt ein dyst færri.

Tottenham hevur nú flutt seg heilt nær grannunum aftur. Liðið hjá Ange Postecoglou vann í dag 3-1 sigur á heimavølli móti Bournemouth. Sarr, Son og Richarlison skoraðu, áðrenn útiliðið minkaði seint í dystinum. 

London-felagið byrjaði kappingarárið ógvuliga væl og var eitt skifti oddalið. November og byrjanin av desember sá ikki gott út, men seinastu vikurnar hava verið væl betri hjá Ange og Spurs. Tottenham hevur nú bert eitt stig færri enn Arsenal og harvið er stutt upp til Champions League pláss.


Topp-fimm nú farið verður inn í 2024 og beint yvir helmingurin av kappingarárini er farin 

Sí alla stigatalvuna her

Seinastu dystirnir í umfarinum eru í morgin og týsdagin - 1. og 2. januar.

Premier League 20. umfar
Í dag, 31. desember
Fulham - Arsenal 2-1 (1-1)
Tottenham - Bournemouth 3-1 (1-0)

Í gjár, leygardagin 30. desember
Luton - Chelsea 2-3
Wolves - Everton 3-0
Manchester City - Sheffield United 2-0
Aston Villa - Burnely 3-2
Nottingham Forrest - Manchester United 2-1

Sí eisini: United setti keðiligt punktum fyri árið

Í morgin, 1. januar 2024
20.00: Liverpool - Newcastle

Týsdagin 2. januar 2024
19.30: West Ham - Brighton