B71 hevur vunnið greipuna

Hóskvøldið vunnu teir steypafinaluna móti ÍF eftir dramatiska brotssparkskapping frammanfyri stórari og spentari áskoðarafjøld á Tórsvølli.

Tað var stórt fyri B71 og Sandoynna, at U21-dreingirnir lyftu Thomas Dam Intersport-steypið, og tá varð staðfest, at farið varð eftir greipuni. Hon er nú komin í hús.

Sí eisini: U21: B71 sigraði eftir brotssparkskapping

B71 lá so mikið væl fyri undan næstseinasta umfarið, at við sigri á HB og "røttum úrsliti" í Klaksvík, har kappingarneytarnir B36 vitjaðu, kundi tað koma í hús í kvøld.

Sandoyingar gjørdu sítt við 4-0 sigri á HB, har trý av málunum komu innan seinastu tíggju minuttirnar. Jónatan Kjærbo skoraði tvey mál, og Óli á Reynatúgvu og Jónatan F. Petersen skoraðu hvør sítt.

Tà boðini komu úr Klaksvík um, at KÍ hevði vunnið 3-0 á B36, við hattrikki hjá Jóan Petur Samson Jónsson, kundi FM-fagnaðurin av álvara byrjað Inni í Dal: Nú kann eingin fáa B71 aftur.

Eitt steyp afturat tryggjað á Sandi (Mynd: B71)

Støðan

B71 hevur vunnið allar dystirnar í FM-endaspælinum higartil. Talan er um fyrstu greipuna á dreingja/manssíðuni hjá B71, boðar felagið frá. Flott kappingarár og tað boðar frá góðum til framtíð felagsins.

Besta liðið stríðist framvegis um uppflyting til Betrideildini.

--------------------------------------------------------------------

B71 skrivaar soleiðis á Facebook-síðu sínari í kvøld