Agnar Prestá
Hesa vikuna eru víkingarnir í norðurírska høvuðsstaðnum. Um tað eydnast at sleppa harfrá uttan tap, so er Víkingur víðari til play-off umfari í Conference League.
Har bíðar Shelbourne. Hetta merkir, at Víkingur aftur skal vitja í næstan sama øki, um teir í ljósbláum koma víðari móti Linfield: Tað kann fara frá vitjan í norðurírska høvuðsstaðnum til vitjan í írska høvuðsstaðnum - við einum túri heim at venda og spæla ímillum.
Sì eisini: Sølvi Vatnhamar: - Vit eru klárir
Myndir: Víkingur skal gera arbeiði liðugt í Belfast
Tað merkir eisini, at Linfield hevur eina stutta ferð til sín møguliga útidyst í næstu viku - smáir 180 kilometrar eru millum Belfast og Dublin.
Tað er so mikið stutt millum høvuðsstaðarnar, at David Healy var ein túr og hugdi eftir møguligu komandi mótstøðuni týskvøldið. Hetta váttaði Linfield-venjarin á tíðindafundinum í gjár. (Hetta brotið er frá 12.30 - annars er ymiskt um Víking har)
Shelbourne FC vann fyrra dystin í Kroatia men tapti samanlagt 3-4 fyri Rijeka í 3. umfari í Europa League. Harvið endaði liðið, sum vann írska meistaraheiti í fjør, í play-off umfarinum í Conference League ístaðin.
Conference League 3. umfar, seinnu dystirnir
Hósdagin 14. august á Windsor Park
19.45: Linfield (NÍR) - Víkingur 1-2
Stroyming: solidsport.com
Sí eisini: Stórskíggi í Varpinum og í Sarpugerði
FM1 er á staðnum í Belfast og sigur frá beinleiðis. Byrjað verður klokkan 19.40 - Rúni á Reynatrøð er frásøgumaður.
Vinarliga broyt tínar kennifíla - og privatlívsstillingar fyri at síggja hetta innihald