Bergur Gregersen breyt beinið

Tað sást beinanvegin á liðfeløgum, mótspælarum, dómara og hjálparfólki, at hetta var álvarsamt.

Hjálp kom heilt skjótt inn á vøllin, og eftir eina løtu kom sjúkrabilur á staðið.

(Mynd: Sverri Egholm)

Nærum tjúgu minuttir vórðu lagdir afturat av fyrra hálvleiki millum B36 og Víking. B36 vann dystin, har álvarsama hendingin fylti nógv, 1-0.

Bergur Gregersen varð fluttur á Landssjúkrahúsið, har skurðviðgerð varð sett á skrá til í dag.

Tað tyktist næstan greitt í støðuni, at 30-ára gamli gøtumaðurin hevði brotið eitthvørt. Heimasíðan dimma.fo skrivar, at Bergur Gregersen hevur brotið bein omanfyri fótliðin. Sum skilst er talan um tvey ymisk bein.

Harvið verður tað eingin fótbóltur frá Bergi næstu mánaðirnar og steinur omaná byrðu hjá meistarunum í Víkingi, sum bara hava fingið tvey stig fyrstu fýra umførini.

Sí eisini: Víkingur er nú undir niðurflytingarstrikuni