Borðtennisfelagið Tór helt 30 ára stovningardag

Borðtennissamband Føroya: Tað eru í hesum døgum 30 ár síðani borðtennisfelagið Tór í Havn varð sett á stovn, og í gjár hátíðarhelt felagið stovningardagin í sambandi við at 3. Grand Prix-umfar varð spælt í høllini á Hálsi í Havn, har felagið eisini heldur til.

Heðin Mortensen, borgarstjóri, og Elin Heðinsdóttir Joensen, ÍSF-forseti, hildu røðu, og Peter Hentze Niclasen, formaður og ein av stovnarunum í Tór, segði eisini nøkur orð. Eisini fekk felagið eitt gávubræv frá Tórshavnar kommunu.

Borðtennisfelagið Tór, sum seinastu árini støðugt hevur havt áleið 30-40 leikarar árliga, húsaðist fyrstu árini á Hálsi, og eftir nógv ár í Eysturskúlanum, hevur felagið síðani 2018 havt lutvíst egin høli í kjallaranum í høllini á Hálsi.

Eftir hátíðarhaldið í gjár varð farið at kappast, tí - umframt 30 ára stovningardagin - snúði tað seg eisini um 3. Grand Prix-umfar. Her luttóku 53 leikarar, sum er hægsta luttakaratalið í ár.

Næsta borðtenniskapping verður 24. november í ítróttarhøllini í Trongisvági. Tá er 4. Grand Prix-umfar á skránni. Úrslitini frá 3. Grand-prix-kappingini síggjast niðanfyri.

Úrslit - Grand Prix 3

Bólkur A
Anton Snygg (Tór)
Fróði Fríðason Jensen (Tór)
Hallur Thorsteinsson (Tór)
Ári Fríðason Jensen (Tór)
Rasmus Teitsson í Skorini (Tór)
Ólavur Hammer (TBF)
Vagnur Kjærbech Nolsøe (TBF)
Edvard Nårstad (TBF)
Teitur Haraldsen Albinus (Tór)
Jósva Fonsdal Højgaard (TBF)

Bólkur B
Poul Knút Poulsen (TBF)
Jákup Margar Debess (Tór)
Jóel E. Bringsberg (Tór)
Elinborg C. Mortensen (TBF)
Elsa Kathrina Gisladóttir (TBF)
Hadassa S. Christiansen (Tór)
Bogi Bringsberg (Tór)

Bólkur C
Suni á Lava (Tór)
Ruben Fjallsá Benbakoura
Høgni Dalsgaard (Tór)
Viljar Dulavík (Tór)
Benjamin Simonsen (TBF)
Filip Restorff (Tór)
Silja Teitsdótti í Skorini (Tór)
Dávid Hansen (Tór)

Bólkur D
Faroe Chairoek (Tór)
Tummas Wilhelm (Tór)
Rókur Løkjá (Tór)
Elias Otthamar Olsen (Tór)
Pumin Poulsen (TBF)
Dávid Simonsen (TBF)
Bára Sørensen (TBF)

Bólkur E
Gullbrandur Arge Rasmussen (Tór)
Abdulaye Keita (Tór)
Liam Steinkross (TBF)
Erik Biskopstø (Tór)
Einar Johansen (TBF)
Mattias Holm (TBF)

Bólkur F
Allan Christiansen (TBF)
Baldur Garðshamar (TBF)
Filip Thorsteinsson (TBF)
Dávur Dionsson (TBF)
Angelina Øster (TBF)

Bólkur G
Teitur Jespersen (Tór)
Jónas Teitsson í Skorini (Tór)
Ólavur Johansen (TBF)
Helga Mortensen (TBF)

Masters
Bergur Klúftá
Ian Jacobsen
Elin Nolsøe
Ann Tóra Láadal
Sigurð Djurhuus Carlsson
Maiken Hammer