Brandur og Bjartalíð: - Skulu hava seks stig hesa vikuna

Jóannes Bjartalíð skýrir kvøldið í Oslo í gjár at vera "ótrúligt" og "ein veruliga uppliving".

Hann og Brandur Hendriksson Olsen komu inn í longdu leiktíðini í fjórðingsfinaluni hjá Fredrikstad móti Våleranga. Fredrikstad skoraði einasta málið, og skálvíkingurin og klaksvíkingurin vóru við at verja tað heim.

Sí eisini: Brandur og Bjartalíð eru í hálvfinaluni

Kappingarárið hjá uppflytarunum í Noreg hevur gingið betri, enn fólk væntaðu: Í løtuni er Fredrikstad á 6. plássi í Eliteseriuni og nú í hálvfinaluni í NM-Cup.

Føroyingarnir í felagnum hava tó verið skaðadarvaðir - serliga Bjartalíð. Hann hevur tó spælt seinastu dystirnar, og í gjár var Brandur eisini á vøllinum til dyst aftur.

Nú eru teir til reiðar til at hjálpa landsliðnum - tó verður tað helst ikki frá byrjan. Báðir staðfesta tó, at teir eru væl fyri.

Brandur Hendriksson og Jóannes Bjartalíð eru millum teir, ið hava vantað seinastu ferðirnar - hesa vikuna skulu Føroyar helst hava seks stig á Tórsvølli, staðfesta tekniskt sterku miðvallararnir.

Sí eisini: Hanus Sørensen: - Eg kann koma við nógvari orku og lekkrum detaljum

Sí eisini: Myndir: Vandu í nógvum vindi

Nations League Deild C, bólkur 4
3. umfar, hósdagin 10.10 á Tórsvølli
19.45: Føroyar - Armenia

Atgongumerki

4. umfar, sunnudagin 13.10 á Tórsvølli
19.45: Føroyar Lettland

Atgongumerki

Støðan: 
1. Norðurmakedónia 4 stig
2. Armenia 3 stig
3. Lettland 3 stig
4. Føroyar 1 stig *

* Niðasta liðið í deildini flytir niður ella skal spæla um tað næsta ár.