Bronsa til Føroyar í badminton

Fyrsta heiðursmerki í badminton hesar oyggjaleikirnar kom í hús seinnapartin, tá Føroyar í liðkappingini vunnu 3-0 móti Isle of Man.

Liðkappingarnar verða skipaðar soleiðis at oyggjarnar spæla móti hvørjum øðrum og best av fimm vinnur.

Bartal Poulsen vann fyrsta dystin 2-0 í einsmansleiki hjá monnum. Annan dystin vann 15 ára gamla Adhya Nandi 2-1 í einmansleiki hjá kvinnum.

Og í síðsta dystinum gjørdist tað eisini sera spennandi har Bartal Poulsen og Niclas Eysturoy vunnu 2-1 í settum. Sostatt eydnaðist tað, at vinna samlað.

Nakað sum ikki eydnaðist fyrrapartin tá Føroyar taptu hálvfinaluna móti Guernsey.