17. steypagullið hjá KÍ-kvinnunum

Í ár 2000 vann KÍ sína fyrstu greipu á kvinnusíðuni, og hetta setti veruliga gongd á eitt gylt tíðarskeið, sum ikki hevur sæð sín líka í føroyskum fótbólti.

KÍ vann FM á fyrsta sinni í 1997, og frá 2000 til og við 2015 vunnu klaksvíkskvinnur FM á hvørjum ári. Hetta við ímyndum sum Malenu Josephsen, Rannvá Biskopstø Andreasen, Ragnu Biskopstø Andreasen og Báru Skaale Klakstein øll, ella so at siga øll, árini - umframt mongum øðrum dugnaligum, og í stóran mun lokalum spælarum.

EB/S Skála og NSÍ eru síðani komin ímillum, men annars hevur KÍ eisini vunnið nógv flest FM seinastu tíggju árini við einum nýggjum ættarliði og er á veg at tryggja eitt afturat - FM nummar 25. So nógv hevur einki vaksnamannalið vunnið í føroyskum fótbólti.

Sì yvirlit her

Vinnaramentanin í kvinnufótbóltinum í Klaskvík er krútsterk, og hóast tað ikki hevur gingið eins væl í steypakappingini seinastu tíggju árini, so vinnur liðið framvegis javnan hesa kappingina.

Við 3-2 sigrinum á HB leygarkvøldið, hevur KÍ nú 17 steypagull. Hetta er tíggju fleiri enn júst HB, sum er nummar tvey á listanum við 7.

Sanna Svarvadal og Birita Ryan, sum her hálvsfevnast, hava nú samanlagt vunnið níggju stór steyp

Tórunn Højgaard Joensen, Maria Vinjardsdóttir Johansen og serliga Eyðvør Klakstein hava eisini hava leiklut í nógvum steypum - sum heild stórur fagnaður á KÍ-kvinnunum eftir flottu vendina móti HB (Myndir: Sverri Egholm)

Myndir: KÍ vendi øllum og vann steypagull

Tað sá annars einki út á Tórsvølli hjá KÍ, sum var aftanfyri 1-0 og 2-1 men í yvirtíðini fór Birita Ryan fram og skoraði, áðrenn Durita Hummeland smekkaði flott langskot í netið til 3-2: Enn eitt dømi um vinnaramentanina og dygdirnar á KÍ-liðnum.

Video: - Helt hetta fór at vera ein slíkur dagur har einki riggar

Harvið hevur Kí samanlagt lyft steyp 40 ferðir hesa øldina, um hugt verður eftir lands- og steypakapping hjá kvinnum. Eitt ótrúliga flott tal, sum bara sær út til at vaksa.

Tøl: FaroeSoccer og FSF