- Ótrúliga stuttligt at skora landsliðsmál og hava upplivingina saman við soninum

- At skora so nógv mál sum vinstri bakkur eri eg ótrúliga stoltur av. Og sonurin var her í dag: At skora og hava hesa upplivingina saman er ótrúliga stuttligt.

Soleiðis segði Viljormur Davidsen við Trygva Absalonsen í gjárkvøldið, tá FM1-frásøgumaðurin og raportarin á staðnum í Slovakia spurdi landsliðsliðformaðurin um tað at røkka 8 landsliðsmál.

Hoyr alla samrøðuna her

Umframt at koma undir liðuna á Una Arge og Jóan Símun Edmundsson, og nærkast Toda Jónsson, Rógva Jacobsen og Klæmint Andrasson Olsen uppaftur meira á listanum yvir mest skorandi føroyskar A-landsliðsspælarar, var málið til 1-0 serstakt fyri Viljorm.

Viljormur Davidsen fekk aftur álitið úr ellivu metrum fyri Føroyar og var púra kaldur (Myndir: Sverri Egholm)

Sí eisini: Sterkt føroyskt avrik í Slovakia men sama søga

Nakrir fáir føroyskir áskoðarar vóru til staðar í Slovakia. Tvey teirra vóru tættir familjulimir hjá Viljormi Davidsen.

Annar var 14-ára gamli sonurin Mathias Gudmundsen, elsta barnið hjá ein av royndastu føroysku spælarunum. 

Hin var systurin Jona Sølvia Davidsen, sum saman við sjeikinum var í Kosice. Tey sóu øll trygga brotssparksmálið hjá numamr trý og ein spenanndi 2-2 javnleik.

Viljormur við familju kundu partvíst fegnast eftir dystin (Mynd: Sverri Egholm)

Føroyskir áskoðarar í Kosice í gjárkvøldið (Myndir: Sverri Egholm)

Fleiri myndir: Súra og søta kvøldið í Slovakia

Føroyska ferðalagið kom aftur ógvuliga tíðliga í morgun. Í dag hevur tað í stóran mun snúð seg um hjá spælarunum at koma fyri seg. Mánadagin bíðar lagnudystir í Nations League móti Moldova - fyri fullsettum Tórsvølli ella útvið tí.

Sí eisini: Alt verður avgjørt móti Moldova mánadagin seinnapartin

------------------------------------------------------------------------

Nations League Deild C, bólkur 3

6. og seinasta umfar, mánadagin 16. november
15.00: Føroyar - Moldova - Ókeypis fyri føroyskar áskoðarar

Til ber at skráseta seg til atgongumerki her

FM1 og Portalurin hava ávikavist beinleiðis frásøgn og beinleiðis blogg av Tórsvølli mánadagin - við upptakt áðrenn og við samrøðum aftaná

Støðan: 
1. Slovakia 11 stig *
--------------------
2. Moldova 7 stig
-------------------
3. Føroyar 5 stig 
4. Kasakstan 2 stig **

* Hevur vunnið bólkin
** Hevur einki at spæla fyri

Eitt'arin flytir upp í B-deildina, meðan tvey'arin skal spæla røkkstøkkdystir um tað - heldur enn venjingardystir - í mars 2027.