2021-09-13 16:01
Ingi Samuelsen
Ingi Samuelsen
Russin Daniil Medvedev kundi fyri fyrstu ferð í nátt frøast yvir ein finalusigur í eini av teimum fýra størstu kappingunum innan tennis, tá hann óvænta lættliga vann 6-4, 6-4, 6-4 á Novak Djokovic, sum er nummar eitt á styrkilistanum yvir menn í tennis.
34 ára gamli serbin kundi við einum sigri havt tryggjað sær sín 21. grand slam-sigur, og kundi harvið farið fram um kappingarneytarnar Roger Federer og Rafael Nadal, ið eisini hava vunnið 20 Grand Slam-sigrar í einmansleiki hvør.
Novak Djokovic kunvi eisini blivið tann fyrsti mannligi tennisleikarin í 52 ár at vinna allar fýra grand-slam kappingarnar í sama kappingarári. Men tað eydnaðist ikki.
Grand Slam kappingarnar eru Australian Open, Wimbledon, French Open og US Open.
Vinarliga broyt tínar kennifíla - og privatlívsstillingar fyri at síggja hetta innihald