Dysturin í Kiev kann síggjast í Kringvarpinum

Mánadagin kom liðið til ukreinska høvuðsstaðin, og í gjárkvøldið høvdu føroyingarnir sína seinastu venjing undan EM-undankappingardystinum. 

Eftir ætlan skuldu Føroyar spæla tveir undankappingardystir móti Kekkia í november, men tað varð útsett til januar og síðani aftur - í báðum førum orsakað av koronu. Nú sleppa føroyingarnir á vøllin aftur, og tað gleða teir seg sjálvandi til. Sambært heimasíðuni hjá Hondbóltssambandinum er allir mans tøkir, og lagið er sum altíð gott í hópinum.

Filip Jojic, Tróndur Mikkelsen og Hákun West av Teigum eru við á fyrsta sinni. Elias Ellefsen á Skipagøtu verður við til dystin í Kekkia fríggjadagin og heimadystin móti Ukreina sunnudagin.

HSF boðar eisini frá, at dysturin verður vístur beinleiðis í Kringvarpinum. Har verður byrjað at senda klokkan 15.20. Stutt áðrenn byrjar FM1 at senda. Útvarpsstøðin fer at hava beinleiðis frásøgn úr rásarúminum í Føroyum. 

Føroyar hava møtt Ukreina tríggjar ferðir áður og hava tapt tríggjar ferðir - júst 23 mánaðir eru síðani liðini spældu í júst Kiev.

Føroyar - Ukreina
11.01.18
HM-undankapping í Italia 22-30

10.04.19
EM-undankapping í Ukreina 19-30 

13.04.19
EM-undankapping í Keypmannahavn 26-27


Ukreina var tvær ferðir omaná móti Føroyum í apríl 2019 (Mynd: Sverri Egholm)