Ingi Samuelsen
Meðan H71 bíðar eftir eini avgerð um hvussu víðari verður farið fram nú dysturin í EHF European Cup móti HC Galychanka úr Ukreina ikki varð spældur sunnudagin orsaka av krígshóttanum í landinum, er hondbóltssamgongan komin við eini fráboðan um ein annan dyst, ið er raktur av sama trupulleika.
EHF hevur valt at útseta ein dyst í Champions League fyri menn fyribils. Talan er um dyst millum fronsku PCG og HC Motor Zaporozhye úr Ukreina. Dysturin skuldi spælast hósdagin, men er nú útsettur. Tað skrivar samgongan á sínum Twitter-vanga, uttan tó at siga, nær dysturin so skal spælast.
The EHF has decided to postpone the @ehfcl Men group phase match, HC Motor Zaporozhye vs @psghand scheduled for 17 February. This follows a careful analysis and is a consequence of the developments on the political level including the uncertainty of the situation in Ukraine. 1/2
— EHF (@EHF_Activities) February 14, 2022
- Hetta hendir eftir gjølligari greining og er ein avleiðing av politisku gongdini og ótrygdini viðvíkjandi støðuni í Ukraina, skrivar EHF.
Men støða er ikki tikin um nær og hvar hesin dysturin skal spælast. Tað verður antin í Ukreina, sum ætlað, ella á uttanveltaðum vølli, verður sagt. Tað velst um hvat hendir í økinum.
H71 gjørdi um vikuskiftið eina roynd at fáa báðar dystirnar spældar í grannalandinum Polandi, men tað eydnaðist ikki at finna fram til eina semju ukreinska felagið, áðrenn føroyska liðið mátti leita sær heim aftur.
Vinarliga broyt tínar kennifíla - og privatlívsstillingar fyri at síggja hetta innihald