Agnar Prestá
16 dystir og 16 sigrar. Hetta er úrttøkan hjá KÍ, sum eftir dagsins dyst er á 48 stigum í Betrideildini og hevur tólv stig niður til nummar tvey, B36.
HB er nú heili 13 stig frá 1. plássinum. FM-dreymurin fánaði, um ikki brast, við Djúpumýru í dag. KÍ skoraði tvær ferðir fyri steðgin, og vóru hetta einastu málini í dystinum. Árni Frederiksberg skoraði tað fyrra við brotssparki móti Bjarta Vitalis Mørk, sum í dag vardi HB-málið, og Siverth Gussiås, ið hevur verið fyri nógvum atfinningum, økti við sínum fyrsta máli fyri felagið.
Hetta var í yvirtíðini í fyrra hálvleiki. Norski áleyparin var komin á vøllin fyri Odmar Færø, ið gjørdist skaddur stutt áðrenn. Heini Vatnsdal og Vegard Forren manglaðu eisini - Børge Petersen spældi fullan dyst, og KÍ helt málið reint. HB royndi at svara aftur, og teir í reyðum og svørtum noyddust aftur at ásanna, at KÍ bara er omaná.
Sí eisini: Myndir: KÍ - HB
Heilt nógv skal til fyri at FM ikki endar aftur í Klaksvík, og tað er flott av Magna Hoseth og hansara monnum at hava fult stigatal, nú summarsteðgur/evropeiskar uppgávur eru á skránni.
Í Hólmanum tók Víkingur gott fet móti at halda fast í 4. plássinum. Heimaliðið vann 2-0 á EB/Streymi, ið aftur bjóðaði av móti liði hægri á stigatalvuni. 07 Vestur tapti í gjár og er nú fimm stig aftanfyri Víking.
Betrideildin 15. umfar
Í dag, sunnudagin 02.07
KÍ - HB 2-0 (2-0)
32' Árni Frederiksberg (br.) 1-0
45 (+2)' Sivert Gussiås (Claes Phillip Kronberg) 2-0
EB/Streymur - Víkingur 0-2
39' Martin Klein Joensen 0-1
90' Poul Kallsberg 0-2
Reyt kort: Virgar Jónsson (80')
Í gjár leygardagin, 01.07
ÍF - B36 0-3 (0-3)
37' Magnus Egilsson (br.) 0-1
41' Taufee Skandari 0-2
45' Sonni Ragnar Nattestad 0-3
TB - B68 2-1 (1-0)
55' Samudeen Musah 1-0
60' Áki Johannesen 1-1
86' Samudeen Musah 2-1
AB - 07 Vestur 2-0 (0-0)
79' Brian Jakobsen 1-0
90 (+4) Bjarni Skála (br.) 2-0
Les eisini: Stórur dagur hjá AB og TB
Støðan:
1. KÍ 48 stig *
2. B36 36 stig *
3. HB 35 stig *
4. Víkingur 27 stig *
5. 07 Vestur 22 stig
6. TB 15 stig
7. EB/Streymur 13 stig
8. B68 11 stig
9. ÍF 9 stig
10. AB 7 stig
* Ein dyst fleiri
Rættað og dagført: 18.49
Vinarliga broyt tínar kennifíla - og privatlívsstillingar fyri at síggja hetta innihald