Fótbóltur

Eli Hentze: - Hetta var langt frá góðtikið

Hetta sigur høvuðsvenjarin hja U21-landsliðnum, sum í gjár legði rygg til 1-7 ósigur í Norðurmakedónia - størsta ósigurin í søguni hjá U21.

Eli Hentze harmast almikið um stórtapi í Skopje. Venjarin sigur, at nú skal hyggjast inneftir og arbeiðast hart fyri at gera tað betri næstu ferð (Mynd: Sverri Egholm)

Eli Hentze harmast almikið um stórtapi í Skopje. Venjarin sigur, at nú skal hyggjast inneftir og arbeiðast hart fyri at gera tað betri næstu ferð (Mynd: Sverri Egholm)

2019-09-11 07:46 Author image
Agnar Prestá

Í oktober 2015 tapti føroyska U21-landsliðið 6-0 á Tórsvølli fyri týsku U21-stjørnunum. Leroy Sané (Manchester City), Julian Brandt (Borussia Dortmund) Leon Goretzka, Serge Gnabry, Josuha Kimmich og Niklas Süle (hesir fýra: Bayern München) vóru millum teir á týska liðnum, ið ikki óvæntað vann stórt móti einum óroyndum føroyskum U21-landsliðið, ið bert fekk eitt stig hesa undankappingina. Føroyar vóru eisini allan 2. hálvleik í undirtali, eftir at Hákun Edmundsson fekk reytt kort beint fyri hálvleik.

Skrædl í Norðurmakedónia

Í næstan fýra ár var hetta metið fyri størsta ósigurin í søguni hjá føroyska U21-liðnum, ið byrjaði í 2007. Í gjár lá eitt stórtap ikki í luftini í Skopje, og serliga ikki eftir at Jákup B. Andreasen skoraði til 1-0 við brotssparki í 19. minutti. Men 70 minuttir seinni stóð 7-1 á máltalvuni:

- At leggja rygg til ósigur er ongantíð stuttligt, og at fáa ein ordiligan frammaná, sum her í Norðurmakedónia, er ein ræðulig kensla. Men vit kunnu ikki renna undan veruleikanum á degnum, og vit fara ongantíð at leita við lykt eftir undanførslum. Nú skal øll orka brúkast til at hyggja inneftir fyri at finna útav, hvat vit kunnu gera betri næstu ferð.

Hetta sigur Eli Hentze við heimasíðuna hjá Fótbóltssabandinum. Eftir 1-3 og 0-3 tap fyri ávíkavist Kasakstan og Montenegro í fyrstu dystunum, er úrtøkan nú 0 stig og ein málúrttøka á 2-13 fyri fyrstu tríggjar dystirnar í EM-undankappingini

[object Object]Teir fyrstu ellivu í Norðurmakedónia í gjár (Mynd: FSF) 

- Eg harmist almikið spælaranna vegna, at teir skulu leggja rygg til hendan ósigurin. Men bæði teir og vit við evstu ábyrgd mugu viðurkenna, at hetta var ikki góðtikið – langt frá

Næsti dystur hjá U21-landsliðnum verður tann 15. oktober. Hann er á útivølli móti Ísrael. Seinasti dystir í hesum árinum verður á heimavølli 19. november, tá norðurmakedónar vitja í Føroyum.

placeholder
placeholder