EM-kappingin: Endaliga úrslitið

Loksins er EM-kappingin í flogbólti fyri U 16 landslið liðug.

Tað vóru Finnland og Danmark, sum spældu seinasta dystin – finaluna. Henda gjørdist javnari enn ein hevði roknað við, tí higartil hevði Finnland víst tað besta spælið í kappingini, men Danmark hevði fyrireikað seg væl, og var í fleiri umførum á odda í dystinum.

Men tá tað veruliga var avgerandi, so vísti Finnland, at tær vóru tann rætti vinnarin. Dysturin endaði 3-0 til Finnland.

Føroyar vunnu 4. plássið

Dysurin um 3. plássið var millum Føroyar og Svøríki.

Svøríki vann dystin 3-0, men í 3. settið var Svøríki í stórum trupulleikum, tá Føroyar eitt skifti førdi 18-14, men eftir nakrar smáfeilir, megnaði føroyska liðið ikki at halda fast, og tapti settið 25-22. Hini settini endaður 25-17 og 25-20.

Sum vantað, so hevði Svøríki sterkara liðið, men við tað at hetta er fyrstu ferð Flogbóltssambandið hevur landslið í hesum aldurbólkinum, so verður eitt samlað 4. pláss mett sum ein góð byrjan.

Við 4. plássinum hevur føroyska liðið eisini vunnið sær rætt til lutøku í øðrum umfari í kappingini. Henda kapping verður í vár.

5. plássið

Fyrr í dag spældu Írland og Ísland, og henda dystin vann Írland óvantað 3-1, við settúrslitunum 25-13, 7-25, 25-23 og 25-18.

Endaliga støðan gjørdist sostatt:

1                 Finnland

2                 Danmark

3                 Svøríki

4                 Føroyar

5                 Írland

6                 Ísland

- Flogbóltssamband Føroya