Hondbóltur

EM: Norra og Danmark vunnu í seinasta dystinum í millumumfarinum

Norra hevur framvegis møguleika at koma í hálvfinaluna; Danmark kann røkka 5. plássinum í endaspælinum.

Norsku kvinnurnar kundu fegnast um ein sigur seinnapartin, men bíða nú eftir úrslitunum í hinum dystunum
(Mynd: EPA)

Norsku kvinnurnar kundu fegnast um ein sigur seinnapartin, men bíða nú eftir úrslitunum í hinum dystunum (Mynd: EPA)

2018-12-12 17:12 Author image
Agnar Prestá
placeholder

Tveir dystir í seinasta umfarinum í millumumfarinum í EM-endaspælinum í Fraklandi eru leiktir. Norra og Danmark hava verið í eldinum, og bæði liðini vunnu. 

Eftir tríggar ósigrar á rað hevði Danmark útpælt sín møguleika fyri at koma í hálvfinaluna. Danska liðið reisti seg tó í dag og vann tepran sigur á Montengro, ið harvið misti sín møguleika at koma víðari. Danmark var omaná í 1. hálvleiki, men Montenegro át seg innaftur í 2. hálvleiki. Talan var um ein fysiskan dyst við tveimum sterkum verjum. Anne Mette Hansen gekk á odda í báðum endum, skoraði 6 mál og gjørdist dagsins leikara.  

Um Russland og Frakland vinna í kvøld, skal Danmark spæla um 5. plássið, og hetta hevur týdning fyri møguleikan at spæla seg til OL. 

Norra helt fast í møguleikan at koma víðari við sigri á Spania. Evropameistararnir kunnu koma í hálvfinaluna, um Rumenia tapir fyri Ungarn í kvøld. Fimm lið kunnu enda á 6 stigum í bólki 2, og so verður talan um eitt størri roknistykki. Eftir ein javnan og málríkan 1. hálvleik settu norsku kvinnurnar tingini uppá pláss í 2. hálvleiki og vunnu trygt. 

Tveir dystir eru í gongd í løtuni og tveir verða leiktir seinni í kvøld.

 

Bólkur 1: 
Danmark - Montenegro 24-23 (15-11)
17.00: Ungarn - Rumenia
20.00: Serbia - Frakland


Russland 8
Frakland 5
Danmark 4 *
Montenegro 4 * 
Svøríki 3
Serbia 2

*Ein dyst fleiri

Bólkur 2: 
Spania - Norra 26-33 (17-18)
17.00: Ungarn - Rumenia
20.00: Holland - Týskland

Rumenia 6
Norra 6 *
Holland 6 
Týskland 4
Ungarn 4
Spania 0 * 
 
*Ein dyst fleiri

placeholder
placeholder