NSÍ tók stórt fet móti FM-heitinum undan landsliðssteðginum

Tveir teir fyrstu dystirnir í 23. umfari í Meistaradeildini hjá monnum vórðu spældir í kvøld. Tvey tey fremstu liðini spældu, og har vóru flytingar í oddinum:

Sunnudagin minkaði KÍ munin úr trimum stigum niður í eitt - í kvøld fór tað hinvegin aftur.

NSÍ hevur tað vanliga torført í Gundadali. Fyrr í ár vann B36 2-0, tá liðini hittust har. Tá var B36 oddalið - nú sær tung tungt út, í mun til at fáa evropeiskt pláss.

Í kvøld skoraði fyrrverandi B36'arin, Marius Kryger Lindh, eitt flott mál tíðliga í dystinum, tá hann rak seg leysan og skeyt við vinstra beininum í longra málhornið, og afturvendi Petur Knudsen økti við brotsspark næstan beint eftir steðgin.

Hetta dømdi Eiler Rasmussen móti Mattiasi Weihe Joensen, sum líka rakti Emil Weihe Joensen, júst tá nýútnevndi landsliðsspælarin hjá NSÍ skeyt. Avgjørt í bíligari lagi men NSÍ spældi sum heild ein klókan dyst í Gundadali, stóð eisini ímóti eftir góða 1-2 málið hjá Dávidi Andreasen, og vann trý ógvuliga týðandi stig: Ein av snávingarsteinurin á veg til FM er vekk.

Hoyr eisini: 
Fótbóltsskýlið: NSÍ hevur nakrar snávingarsteinar eftir - hjá KÍ hongur tað mesta á Árna
Petur Knudsen: NSÍ leggur eitt sera professionelt avrik fyri dagin

Dávid Biskopstø Andreasen var nær við at hjálpa barndómsfelagnum aftur, og KÍ megnaði ikki við egnari megi at halda somu støðu í oddinum. Tað var barna- og ungdómsliðfelagin hjá Dávidi í KÍ, Silas Gaard, sum legði Skála á odda í 27. minutti eftir ógvuliga gott skot úr høgru og í longra málhornið.

KÍ svaraði væl aftur: Fyrst tveir minuttir seinni, tá tað var Árni Frederiksberg við framúrskarandi frísparki, sum fór heilt upp í málhornið: Eitt boð uppá ársins mál. Í 37 minutti legði Árni hornaspark útfrá, og við brotsteigarmarkið smekkaði Jóannes Kalsø Danielsen, einasti norðoyingur í KÍ-byrjanaruppstillingini í kvøld, bóltin í netið. Hetta umvegis ein Skála-spælara.

Liðið hjá Fróða Benjaminsen legði eisini betri fyri eftir steðgin, og Hans Jákup Arngrímsson noyddist eisini veruliga til arbeiðis. Gøtumaðurin sær tó út til at vera til reiðar út til U21-landsliðsfótbólt, Skála stríddist væl víðari og skapti eisini nakrar góðar støður. Eftir ein tíma spældi útiliðið ógvuliga væl og skjótt frameftir. KÍ-liðið var gamaní alt ov spjatt, men eitt ógvuliga gott 2-2 mál, sum Maxwell Effiom átti seinasta fótin á.

Fimti dystur á rað uttan tap hjá Skála, síðani venjaraskifti, og eitt stig nærri at halda sær í deildini. Hinvegin stórt vónbrot hjá KÍ sum fyri aðru ferð í ár spældi javnleik á heimavølli móti uppflytaranum og sum nú hevur trý stig upp til NSÍ.

23. umfar í Meistaradeildini hjá monnum
Í dag, fríggjadagin 18. september

B36 - NSÍ 1-2 (0-1)
10' Marius Kryger Lindh 0-1
52' Petur Knudsen 0-2
83' Dávid Biskopstø Andreasen 1-2

Meira um dystin her

KÍ - Skála 2-2 (2-1)
27' Silas Gaard 0-1
29' Árni Frederiksberg 1-1
37' Jóannes Kalsø Danielsen 2-1
61' Maxwell Effiom 2-2

Meira um dystin her

Í morgin, leygardagin 19. september
15.00: Víkingur - 07 Vestur

15.30: 
B68 - EB/Streymur (FM1)
HB - AB (FM1)

Umframt at vit siga frá fýra dystum í umfarinum, verður tikið samanum á FM1 klokkan 19.30 sunnukvøldið, tá sendingin 3. hálvleikur er á skránni