Fótbóltur

EM-undankappingin á Tórsvølli fer nú í gongd

Føroyar eru vertir fyri undankappingini hjá U17-gentum. Noreg, ið er fyrsta uppgávan hjá Føroyum, Slovenia og Aserbadjan vitja.

Tórsvøllur verður karmur um fimm útav teimum seks dystunum í kappingini - allar hjá Føroyum

Tórsvøllur verður karmur um fimm útav teimum seks dystunum í kappingini - allar hjá Føroyum

2019-10-17 12:18 Author image
Agnar Prestá
placeholder

Seinastu tveir dagarnar eru tey trý mótstøðuliðini hjá Føroyum komin til landið, og í dag er fyrsti leikdagur í EM-undankappingini. Nú klokkan 13 hittast Slovenia og Aserbadjan á Tórsvølli, og klokkan 17.30 skulu føroysku genturnar í eldin kl. 17.30, tá tær spæla móti Noregi.

- Líka síðani eg var smágenta, havi eg verið til næstan allar A-landsdystir á Tórsvølli. At eg hesa ferð ikki skal sita í áskoðarafjøldini, men sjálv skal umboða landið og enntá á heimavølli, verður uttan iva spennandi, og eg gleði meg ómetaliga nógv, sigur Hanna D. Olsen úr B36, ið er annar føroyski málverjin.

Les meira: Hanna gleðir seg at umboða Føroyar á heimavølli

Spælt verður aftur sunnudagin, og seinasta umfarið er mikudagin kl. 13:00, tá verður spælt bæði á Ovara Vølli í Gundadali og á Tórsvølli. Hósdagin fara liðini av landinum aftur. Føroyar hava seinastu árini verið vertur fyri nøkrum NM-kappingum; í fjør vóru talan um U17-dreingir, ið vóru vertir. Nú er tað EM-undankapping, og hetta er eitt slag av fyrireiking til um eitt og eitt hálvt ár, tá Føroyar verður vertur fyri EM-endaspælinum hjá U17-gentum.

- Hetta verður ein stór avbjóðing, men tað eru sovorðnir dystir, ið skulu til, fyri at vit skulu menna okkum sum fótbóltsspælarar. Fyrr í ár spældu vit móti Aserbadjan, og tá var ikki so stórur munur á liðunum, sigur Judith Eilersdóttir Rasmussen, ið dagliga spælur við felagsliðnum AB/B71.

Les meira: Føroysku genturnar leggja seinastu hond á fyrireikingarnar

FSF boðar frá, at tað eru ikki bert føroyskir leikarar, ið taka lut í kappingini. Teir báðir føroysku dómararnir Petur Páll Winther og Rani A. Skaalum koma at vera partur av dómaratoyminum kring dystirnar.

Fótbóltssambandið boðar eisini frá, at tað er ókeypis atgongd til allar dystir, og dystirnir hjá Føroyum verða eisini vístir á Ras 1 hjá Televarpinum. Vit verða til staðar á Tórsvølli í kvøld við myndatólinum. Til ber at fylgja gongdini í dystinu á forsíðu okkara og aftaná taka vit samanum.  

Skráin:

Hósdagin 17. oktober

13:00 Aserbadjan – Slovenia

17:30 Norra – Føroyar


Sunnudagin 20. oktober

13:00 Norra – Aserbadjan

17:30 Slovenia – Føroyar


Mikudagin 23. oktober

13:00 Føroyar – Aserbadjan

13:00 Slovenia - Norra (á Ovara vølli)

Hópurin: 

Ró á Lakjuni, KÍ

Hanna Dahl Hansen, B36

Birita P. Rasmussen, B36

Lív Rúnadóttir, B36

Ronja Leonsdóttir, AB/B71

Fridrikka Clementsen, AB/B71

Judith Eilersdóttir, AB/B71

Jenny R. Petersen, ÍF

Nancy Einarsson, TB

Sunniva Willemoes Dal Christiansen, HB

Bjørk F. Joensen, HB

Ester Ellingsgaard, HB

Malena Olsen, KÍ

Anitha á Dalinum, KÍ

Karin Áslakksdóttir, Víkingur

Sára Pouldóttir á Líðarenda, Víkingur

Mathilde Vestergaard Mørch, AaB Ålborg (Danmark)

Celia Qing Kofod Toxborg, HB Køge (Danmark)


Øssur Hansen er landsliðsvenjari.

 




placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder