Faxe Kondi-kappingin: Fleiri lið eru víðari - fleiri hava ongan møguleika at røkka hálvfinalunum

Fýra dystir í steypakappingini vórðu leiktir í gjár - tveir hjá kvinnum og tveir hjá monnum. Tveir verða leiktir í kvøld - ein hjá kvinnum og ein hjá monnum - og báðir hava stóran týdning í bólkunum.

Kvinnur: 
2. umfar

Bólkur 1: 
Um Stjørnan vinnur á teimum grønu í kvøld, er alt púra opið undan grannauppgerðini. Livur Kyndil upp til favorittheitið í Klaksvík, verður talan um bólkafinalu mikudagin. 

Sunnudagur 26.01 (í dag):
19.00 Stjørnan – Kyndil

Mikudagin 29.01:
18.00 Kyndil – Neistin

Neistin 2
Kyndil 0
Stjørnan 0

Bólkur 2: 
Fyri tveimum vikum síðani vunnu hoyvíkskvinnur greitt í Vestmanna í SMS-deildini. Í gjár hevði verjan hjá VÍF tó sera gott tamarhald á gestunum og vann við fýra málum. Tað merkir, at VÍF er víðari, meðan H71 skal royna at avgerða tað ímóti StÍF, sum í málríkum dysti á Skála í gjár helt lív í vónini um hálvfinaluna. 

Leygardagin 25.01.20 (í gjár): 
StÍF – VB 33-28 (16-14)
Toppskjúttar: Karina Berg Høgnesen 11 mál, Dajana Komenda 9 mál

VÍF – H71 19-15 (10-8)
Toppskjúttar: Agnas Olsen 5 mál, Maria H. Weyhe 6 mál

VÍF 4
H71 2
StÍF 2
VB 0

Menn
2. umfar

Bólkur 1:
Eins og hjá kvinnunum frammanundan, endaði tað 19-15, tá H71 2 gav sterkasta VÍF-liðnum ein skarpan gang. Í 1. hálvleiki komu bert 11 mál, og liðini høvdu hvør sín málturk á 11 minuttir. Tað eydnaðist hjá teimum ungu hoyvíkingunum at tálma Filip Jojic, men leiðslan hjá heimaliðnum gjørdist í 2. hálvleiki ov stór til at hála inn á. KÍF hevði framvegis havt ein møguleika, um H71 2 hevði vunnið, men nú eru VÍF og H71 1 víðari, og skulu tey spæla um 1. plássið um eina viku.

Mikudagin 22.01:
H71 – KÍF 28-24 (16-12)
Toppskjúttar: Nicklas Selvig 7 mál, Pætur Thomsen og Vilhelm Poulsen 6 mál

Les um dystin her
Sí myndir her

Leygardagin 25.01 (í gjár)
VÍF – H71 2 19-15 (6-5)
Toppskjúttar: Sjúrður Olsen, 4 mál, Bogi Hansen, 4 mál

H71 4
VÍF 4
KÍF 0
H71 2 0


Bólkur 2: 
Kyndil vann greitt á Team Klaksvík, ið nú ikki kann røkka hálvfinaluni. Hjá Kyndli sær gott út. Um Neistin ikki vinnur á StÍF í kvøld, so eru teir grønu víðari - annars er nóg mikið við einum stigi á Skála leygardagin fyri at koma víðari. Neistin hevur knívin á barkannum í kvøld.  

Leygardagin 25.01 (í gjár):
Kyndil – Team Klaksvík 31-22 (17-10) 
Toppskjúttar: Rógvi Dal Christiansen 9 mál, Sámal á Tjaldrafløtti 6 mál

Í dag: 
19.00 Neistin – StÍF

Kyndil 4 
StÍF 2
Neistin 0
Team Klaksvík 0