Agnar Prestá
Hann er úr Bosnia, men hevur nú í næstan tíggju ár búð í Føroyum. Í 2011 kom bakkurin til Team Klaksvík, har hann og liðið høvdu eitt gott kappingarár. Síðani skifti sera dugnaligi skjúttin til VÍF, og í Vestmanna hevur hann verið ein lyklaleikari síðani.
Filip Jojic hevur nú í skjótt tíggju ár verið ein risa profilur í føroyskum hondbólti og hevur á hvørjum ári verið toppskjútti í bestu deildini. Seinastu árini hevur ligið í luftini, at hann fór at hava møguleikan at spæla ein leiklut á føroyska landsliðnum.
Tað hevur verið ein drúgv tilgongd, men í gjár gjørdist greitt, at 31-ára gamli Filip Jojic hevur fingið ríkisborgararættin uppá pláss. Tað skrivar in.fo
Filip hevur luttikið í fleiri landsliðsvenjingum seinastu mánaðirnar. Hann hevur tikið útbúgving í Føroyum og er giftur við Duritu Christophersen Jojic úr Vestmanna, ið spælir á føroyska kvinnulandsliðnum.
Vinarliga broyt tínar kennifíla - og privatlívsstillingar fyri at síggja hetta innihald