Video: - Vit ætla okkum at vinna og vænta tað eisini

Fríggjadagin spælir føroyska U21-landsliðið fyrsta av trimum dystum sum eru á skránni í hesum longri landsliðsvindeyganum.

Sí eisini: Skráin hjá A-landsliðnum í hesum langa landsliðsvindeyganum

Hetta er samstundis teir seinastu tríggir dystirnir hjá Føroyum í hesari undankappingini, har Føroyar eru á 4. plássi í løtuni 

Støðan í bólkinum - tvey tey fremstu koma til EM-endaspælið
1. Frakland 16 stig
2. Sveis 14 stig
---------------------
3. Ísland 11 stig
4. Føroyar 9 stig
5. Luksemborg 4 stig
6. Estland 2 stig

Estland tekur ímóti á Rannastadion í Pärnu 25. september klokkan 17.

Føroyar vunnu 2-1, tá estar vitjaðu í fjør, men hóast hetta - og hóast Estland er aftast í bólkinum - veit høvuðsvenjarin, at uppgávan verður alt annað enn løtt.

- Tað var ein ógvuliga tættur dystur við Djúpumýru, har Estland var á odda. Sjálvt um teir eru aftast í bólkinum, er talan um dugnaligar spælarar. Teir flestu spæla í bestu estisku deildini, so tað verður spenanndi, hvussu tað "matchar".  

Føroyski hópurin hevði fyrstu venjingina á Tórsvølli mánakvøldið. Áðrenn venjingina fekk FSF varpið orðið á venjaran, Ólavur Mikkelsen.

Hoyr samrøðuna ovast ella á Youtube-rásini hjá FSF

Sí eisini: Rasmus Nolsøe hjálpir Ólavi Mikkelsen í sambandi við seinastu dystirnar

Føroyski hópurin er í dag farin til Estlands. Rás1 hjá Televarpinum vísir dystirnar 

25. sept.
17:00 Estland – Føroyar

30. sept.
17:00 Føroyar – Luksemborg á Djúpumýru

6. okt.
18:00 Føroyar – Ísland á Tórsvølli

Sí eisini: U21: Áki og Mattias ikki tøkir - men Ólavur kann hava Aron við sær