Fjórði føroyski U21-sigurin á rað

Tríggir dystir, tríggir sigrar og harvið níggju stig - og í løtuni eitt greitt 1. pláss í bólkinum.

Hetta er úrtøkan hjá føroyska U21-landsliðnum higartil í 2025. Tríggir sigrar á rað at byrja slíka undankapping er óhoyrt.

Føroyar rukku níggju stigum í gjárkvøldið í Luksemborg, har Dávid Reynheim skoraði einasta málið eftir upplegg frá Heina Fossdalsá Sørensen, og Hans Jákup Arngrímsson og hinir hildu málið reint - millum annað við at bjarga brotssparki.

Sí eisini: Málið hjá Dávidi, bjargingin hjá Hans Jákupi og føroyska fagnaðarløtan (Video)

Les eisini: Níggju stig av níggju gjørligum: U21 gjørdi tað aftur

Hans Jákup Arngrímsson og Dávid Reynheim, ið á hvør sín hátt áttu ein stóran leiklut í sigrinum á Luksemborg í gjár (Mynd: Virgar Hvidbro/FSF)

Føroyar hava harvið fingið eina framúrskarandi byrjan í stríðnum um at koma til EM-endaspælið í 2027.

Liðið hjá Ólavi Mikkelsen feldi fyrst Estland í Klaksvík í juni, og í báðum útidystunum her í september er tað endað við flottum stríðssigrum á útivølli.

Harvið er sigursrøðin hjá U21-landsliðnum nú komið uppá søguliga talið fýra dystir.

Føroyar - tá undir leiðslu av Eyðuni Klakstein og Atla Gregersen - vunnu 1-0 á Hvítarusslandi í síðsta umfari í 2024.

Seinastu fýra dystirnir hjá U21-landsliðnum:

Undankapping til EM 2027 (spældir í 2025):
Luksemborg - Føroyar 0-1
Ísland - Føroyar 1-2

Føroyar - Estland 2-1

Undankapping til EM 2025 (spældur í oktober 2024)
Føroyar - Hvítarussland 1-0