Fleiri føroyingar vunnu gull í Valby

Um vikuskiftið luttóku fleiri av føroysku landsliðsleikarunum í badminton í kapping í tvímansleiki í Valby. 

Felags fyri Miriam í Grótinum, Rúna Øster, Magnusi Dal-Christiansen, Jónasi Djurhuus og Árant á Mýruni er, at tey eru búsitandi í Danmark.

Badmintonssambandið skrivar, at hetta gekst bara heilt væl, tí føroyingar fóru avstað við gullheiðursmerkjunum í øllum finalunum í A-bólkinum.

Meira gull til Miriam í Grótinum (Myndir: Badmintonssamband Føroya)

Í blandaðum tvímansleiki vunnu Miriam í Grótinum og Rúni Øster. Miriam í Grótinum vann eisini finaluna í tvímansleiki hjá kvinnum - hetta saman við donsku Thea Sisse Rink.

Magnus Dal-Christiansen og Rúni Øster vunnu í tvímansleiki hjá monnum vunnu. Í hálvfinaluni har møttu Magnus og Rúni sínum landsliðsfeløgum Jónas Djurhuus og Árant á Mýruni, har dystarmyndin niðanfyri er frá.