Flensburg og Kiel vunnu sínar bólkar

Tað byrjar veruliga at gerast spennandi í European League. Nú eru bert tólv lið eftir í næststerkastu evropeisku kappingini, og eftir landsliðssteðgin skulu átta av teimum spæla um pláss í fjórðingsfinaluni.

Fýra eru beinleiðis víðari, tí hesi vunnu sín bólk í meginumfarinum. Talan er millum annað um týsku stórfeløgini THW Kiel og Flensburg-Handewitt, sum ávikavist Elias Ellefsen á Skipagøtu og Jóhan á Plógv Hansen spæla við. Bæði vunnu týskarauppgerðir i gjárkvøldið og tryggjaðu sær harvið plássið.

Sí eisini: 
Elias á Skipagøtu av álvara flúgvandi í løtum
Hæddarpunkt frá dystunum

Play-off dystir umframt 1/4-finalur:

Porto - Toulouse - vinnarin møtir Montpellier í fjórðingsfinaluni

Mynd: EHF

Av tí at týska deildin er so sterk, og bert tvey lið koma í Champions League, so eru tað oftast lið í Bundesliguni, sum sita á European League - og vinna hana.

Í fjør var tað júst Flensburg-Handewitt. Jóhan á Plógv Hansen og liðfelagarnir vunnu á Füsche Berlin, liðnum hjá Hákuni West av Teigum, í finaluni.

Tað kann eisini gerast ein týsk finala við spælarum úr Føroyum hesaferð. Flensburg-Handewitt hevur Simon Pytlick og Kay Smits úti við ávikavist skaða og sjúku, men burdi havt heilt góðar møguleikar "á sínari síðu" við sínari styrki. 

Kiel verður stórfavorittur í sínari fjórðingsfinalu. Elias Ellefsen á Skipagøtu og liðið eru væl fyri í løtuni.

Elias Ellefsen á Skipagøtu hevur verið toppskjútti í teimum seinastu trimum evropeisku dystunum (Mynd: Sverri Egholm)