Agnar Prestá
Næsta vikuskiftið skal A-landsliðið hjá kvinnum til HM-undankapping í Minsk Hvítarusslandi, har liðið skal møta vertunum og Sveis. Talan er um útsettar dystir frá í fjør.
Les eisini: Kvinnurnar til Hvítarusslands um vikuskiftið
Í morgin, mikudagin 17. mars, verður lutakastið til EM-undankappingina hjá kvinnum, sum Føroyar skulu luttaka í seinni í ár.
Talan er í fyrstu syftu um undan-undankapping, sum verður leikt á sama staði í viku 22, um mánaðarskiftið mai-juni. Lutakastið verður á EHF-høvuðsætinum í Wien klokkan 10.00, føroyska tíð, og verður stroymt á facebook- og youtube-síðuni hjá EHF, boðar Hondbóltssamband Føroya frá.
Liðini eru styrkismett í 4 løg, har Føroyar er styrkismett ovast. Leikt verður í trimum bólkum, har vinnarin í hvørjum bólki kemur víðari til undankappingina, har hægri styrkismettu liðini bíða. Lutakast verður eisini um, hvør skal hýsa hvørjum bólkaspæli.
Pottur 1: Føroyar, Portugal, Grikkaland
Pottur 2: Italia, Kosovo, Ísrael
Pottur 3: Finnland, Luksemborg, Bosnia Hersegovina
Pottur 4: Kýpros, Lettland
Vinarliga broyt tínar kennifíla - og privatlívsstillingar fyri at síggja hetta innihald