Frakland tryggjaði sær bronsu í síðstu sekundunum

Verandi heimsmeistararnir vunnu móti Týsklandi í bronsudystinum.

Fraklendingar, sum seinnu árini hava vunnið HM fleiri ferðir, mugu taka til takkar við bronsuheiðursmerki í ársins HM-endaspæli. Seinnapartin vann Frakland á Týsklandi 26-25. Støðan var 13-9 til Týskland tá liðini fóru til hálvleiks.

Seinastu sekundini í dystinum vóru ógvuliga spennandi.

Týskland hevði møguleikan at avgera dystin tá tíggju sekund vóru eftir, men mistu bóltin. Bara fá sekund áðrenn dystarendan smekkaði Nikola Karabatic bóltin í netið til franskan sigur.

Danmark og Noreg hittast í finaluni klokkan 16:30 føroyska tíð. Dysturin verður vístur bæði á DR 1 og TV 2.