Fótbóltur

Fínt útgangsstøði hjá KÍ

Klaksvíkingar taptu 3-2 í Kosovo, og alt er tí opið til seinna dystin á Tórsvølli um eina viku.

(Skíggjamynd: Televarpið)

(Skíggjamynd: Televarpið)

2022-08-04 20:55 Author image
Sverri Egholm
placeholder

Tað gjørdist ein trupul dagur á skrivstovuni hjá KÍ-leikarunum, sum í kvøld vóru á vitjan hjá meistarunum í Kosovo, FC Ballkani.

Í fyrra hálvleiki riggaði nærum einki hjá klaksvíkingum, sum so at siga einki skaptu. Hinvegin setti heimaliðið seg á dystin, og var á odda 2-0 í hálvleikinum.

Tá heimaliðið so tíðliga í seinna hálvleiki økti til 3-0 gjørdist uppgávan ógvuliga tung hjá KÍ.

Spakuliga komu teir kongablaú inn aftur í dystin, og eftir frísparksinnlegg frá Jóannes Bjartalíð í 69. minutti eydnaðist tað Páll Andrassyni Klettskarð at seta bóltin í netið til 3-1.

Stutt fyri leiklok var Páll Klettskarð aftur seinastur á bóltinum, og minkaði um munuin til 3-2, sum eisini gjørdist úrslitið.

Í tíðini sum dómarin hevði lagt afturat feldi Odmar Færø ein mótstøðumann og fekk reytt kort.

Hóast tað verður uttan Odmar Færø, so má 3-2 sigast at vera eitt fínt útgangsstøði til returdystin á Tórsvølli hósdagin í næstu viku.

FC Ballkani - KÍ 2-3 (2-0)
30' Nazmi Gripshi 1-0
41' Meriton Korenica 2-0
50' Albion Rrahmani 3-0
69' Páll Andrasson Klettskarð 3-1
88' Páll Andrasson Klettskarð 3-2

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder