Fótbóltur

Futsal: Gull til HB og 07 Vestur

07 Vestur gjørdist stóri vinnarin í Futsal-kappingingunum hjá gentum og dreingjum, sum nú eru komnar at enda.

Mynd: FSF

Mynd: FSF

2019-02-07 17:19 Author image
Ari av Rana

Seinastu umførini í Futsal-kappingunum hjá gentum og dreingjum hava nú verið, og tey fimm vinnandi liðini eru funnin.

07 Vestur a for avstað við gullinum í kappingunum fyri Dreingir U9 og Dreingir U11. Í finaluumfarinum fyri Dreingir U9 vann 07 Vestur a 3-0 á Víkingi, 5-1 móti 07 Vestur b, og síðani 2-0 á HB b.

Í finaluumfarinum fyri Dreingir U11 vunnu vágadreingirnir 2-1 á AB, spældu síðani javnleik 2-2 móti B36 b, áðrenn teir í seinasta dystinum vunnu 2-0 móti B36 c.

Í kappingini fyri Dreingir U13 gjørdi HB slætt borð í seinasta umfarinum, og fór avstað við gullkrónunum. Í finaluumfarinum vann HB fyrst 3-1 á Víking a, síðani 3-0 á Víkingi b, áðrenn teir í síðsta dystinum vunnu ein tepran 1-0 sigur á 07 Vestur.

Sostatt endaði ársins Fulsal-kapping við trimum gull til 07 Vestur, meðan Skála og HB vunnu hvør sína kapping, Gentur U11 og Dreingir U13.

Les eisini: Futsal: Genturnar hjá Skála og 07 Vestur vunnu gull

Kapping

Vinnarar

Dreingir U9

07 Vestur

Dreingir U11

07 Vestur

Dreingir U13

HB

Gentur U11

Skála

Gentur U13

07 Vestur

placeholder
placeholder