G19-liðið hjá SÍ vann gull

Í G19-finaludystinum millum SÍ og KÍF eydnaðist tað aftur SÍ at vinna gull. Sostatt vunnu sørvingar allar tríggjar dystir í Trongisvági í gjár.

Fyrsta settið var merkisvert, tí eftir at SÍ hevði hevði ført 9-1 og 11-3, megnaði KÍF at javna til 12-12. SÍ legði seg aftur fýra bóltar framum, men við 20-20 var aftur javnt, og tað var tað til 23-23 tá SÍ segði her til og ikki longur og vann settið 25-23.

Eftir SÍ hevði vunnið annað sett 25-20, var aftur mest sum púra javnt í triðja setti.

SÍ førdi 7-3, men KÍF kom afturíaftur og legði seg á odda 11-9. Stutt eftir førdi SÍ aftur við trimum, men KÍF javnaði enn einaferð til 23-23. Men so gekk aftur sum í fyrsta setti, og SÍ vann 25-23 og dystin 3-0. Og sostatt fór enn eitt føroyameistaraheiti til Sørvágs.

Bestu leikarar vóru Eva Gunn Niclasen hjá SÍ, og Marita Thorkildshøj hjá KÍF.

Eva Gunn Niclasen, og Marita Thorkildshøj (Mynd: Flogbóltssamband Føroya)

Í dag og í morgin eru aftur fleiri FM-finaludystir á skránni í teimum yngru deildunum í flogbóltskappingini. Til ber at fylgja við her.

Skráin

Leygardag 27. mars:

Kl. 10:00 KU: SÍ - KÍF

Kl. 12:00 D17: SÍ - TB

Kl. 14:00 G16: SÍ - TB

Kl. 16:00 MU: SÍ - Fleyr

Sunnudagur 28. mars:

Kl. 14:15 G12: Mjølnir - Dráttur

Kl. 15:45 D12: TB - SÍ