Geza besti maður hjá Grimsby í uppflytingarhálvfinalu

Tað gekk ikki hjá Geza David Turi og teimum, tá Grimsby sunnudagin tók ímóti Salford í fyrru play-off hálvfinaluni.

Sí eisini: Geza og teir taptu fyrru hálvfinaluna um uppflyting

Tað endaði 1-2 hóast Grimsby legði seg á odda í fyrsta minutti.

Harvið skal føroyingafelagið í League Two vinna í Salford fríggjakvøldið - við tveimum málum eftir 90 minuttir ella við einum máli og síðani eftir longda leiktíð/brotssparkskapping.

Samanlagdi vinnarin í uppgerðini skal spæla finalu um uppflyting til triðbestu deildina á mæta Wembley-leikvøllinum.

Geza besti spælari 

Føroyski landsliðsmiðvallarin hjá Grimsby heldur fram at vísa seg væl fram.

Nummar 15 fekk góð skoðsmál fyri avriki móti Salford, eins og hann hevur gjørt í øðrum týðandi dystum seinastu mánaðirnar.

Geza David Turi varð eftir dystin sunnudagin kosin sum besti spælari hjá Grimsby.

(Mynd: Grimsby Town Football Club)