Grannauppgerð í Gundadali og stríð um strikuna í Fuglafirði

Tríggir dystur í Betrideildini vórðu spældir í gjár, og í dag eru tveir teir seinastu dystirnir í 8. umfari á skránni.

Betrideildin menn 8. umfar

Í gjár, leygardagin 4. mai

EB/Streymur-Víkingur 1-3 (0-1)
28' Finnur Justinussen (Poul Kallsberg) 0-1
61' Árni Nóa Atlason (Poul Kallsberg) 0-2
85' Andras Ólason Olsen (Tóki Johannesen) 1-2
90 (+1)' Martin Klein Joensen (Jákup Johansen) 1-3

KÍ-07 Vestur 2-0 (0-0)
73' Cedric Yambere 1-0
89' Páll Andrasson Klettskarð (Jóannes Kalsø Danielsen) 2-0

Reytt kort: Frederik Holst (07 Vestur - 20')

Les meira: Ovaru liðini vunnu

B68-NSÍ 1-2 (1-0)
14' Bartal Páll Klein, br. 1-0
82' Búi Egilsson (Petur Knudsen) 1-1
90(+4)' Dion Splidt (Petur Knudsen) 1-2

Les eisini: NSÍ vendi grannauppgerdini seinastu minutttirnar

Í dag, sunnudagin 5. mai
ÍF-Skála ÍF (15:00)
HB - B36 (17:00)

Støðan Betri deildin menn

1. Víkingur 24 stig
2. KÍ 18 stig 
3. HB 18 stig *
4. NSÍ 15 stig 
5. B36 11 stig *
6. 07 Vestur 11 stig
7. Skála ÍF 7 stig *
8. EB/Streymur 4 stig
9. B68 1 stig 
10. ÍF 1 stig *

ÍF hevur víst framstig síðani venjaraskifti og fekk stig á útivølli móti B36 mánakvøldið. Nú skulu fleiri stig á kontuna. Hóast Skála hevur staðið seg væl í ár, so er tað slíkur dystur sum í dag, at Jákup Martin Joensen og hansara menn skulu hava nakað burturúr.

Hjá Skála eru trý stig upp til strikuna, og EB/Streymur og B68 hava einki stig fingið burturúr seinastu dystirnar. Skála vann á júst B68 mánadagin, og nú kann liðið hjá Paula Poulsen taka enn eitt stórt fet vekk frá strikuni. Uppflytararnir hava sjey stig og ætla at vinna seg úr niðurflytingarstríðnum.

B36 vann steypadyst á Skála fyri tíggju døgum síðani - Skála bjóðaði tó av í Gundadali (Mynd: Sverri Egholm)

B36 hevur ikki vunnið teir seinastu fýra Betrideildardystirnar og er væl frá oddastríðnum. Trý stig eru harvið krav í dag, um liðið hjá Dan Brimsvík skal fylgja nøkulunda við.

B36 hevur tó ikki vunnið á HB í landskappingini síðani 2019, og liðið hjá Adolfo Sormani hevur vunnið allar dystirnar - fyriuttan tann móti Víkingi - í ár. HB kappast í løtuni við KÍ og rennur eftir Víkingur. Við sigri í dag ber til hjá teimum í reyðum og svørtum at leggja størri sjógv millum seg og grannarnar í Gundadali, har trýstið økist.

Telavarpið vísir báðar dystirnar. Til ber at fylgja gongdini á forsíðu okkara. Vit hava eisini ein beinleiðis blogg úr Gundadali.