Gullregn í badminton: Miriam og Rúni trý gullmerki hvør í dag

Tað var satt gullregn hjá føroysku badmintonleikarunum, tá ið teir í dag vóru við í øllum fimm finalunum í badminton. Føroyar gjørdu ikki mætari enn at vinna allar finalurnar.

Seinasta finalan í blandaðum tvímansleiki var rein føroysk, og vunnu Miriam í Grótinum og Rúni Øster bæði sítt triðja gullmerki í dag, við at vinna bæði settini móti Magnusi Dal-Christiansen og Bjarnhild í Buð Justinussen. Sett úrslitini vóru 21-17 og 21-12.

Fyrr í dag hava Rúni Øster og Miriam í Grótinum vunnið gull hjá ávikavist monnum og kvinnum.

Miriam í Grótinum saman við Rúna Øster og landsliðsvenjaranum Fai Yin Wong eftir finalusigurin í blandaðum tvímansleiki (Mynd: Badmintonssamband Føroya)

Tey bæði vóru eisini við at vinna tvímansleikin og tvíkvinnuleikin. Rúni saman við Magnusi Dal-Christiansen og Miriam saman við Bjarnhild í Buð Justinussen.

Endin á Oyggjaleikunum gjørdist harvið frálíkur hjá badmintonleikarunum, eftir at teir fyrr í vikuni taptu finaluna í liðkappingini móti Grønlandi.

---------------------------------------------------------------------

Sí eisini: Besta úrslit nakrantíð: Føroyar vunnu oyggjaleikirnar á Orknoyggjum greitt

Allar badmintonfinalurnar fríggjadagin 18. juli kunnu síggjast her

Sí eisini: Tvey badminton-gull afturat í stórum stíli

Les eisini: 
Rúni Øster vann gullið eftir gysara
Enn eitt føroyskt gull: Miriam feldi grønlendsku drotningina