Hondbóltur

H71-kvinnurnar skulu knógva mótsstøðu av Kypros á Hálsi

Spæla leygarkvøld og sunnukvøld klokkan 19. H71 hevur áður fingið góð úrslit í European Cup.

Elsa Egholm er ein av teimum, sum hevur spælt nógvar evropeiskar dystir. Landsliðsspælarin sigur við síðuna hjá H71, at hesir evropeisku dystirnir eru nakað serstakir - og at H71 hevur góðan møguleika (Savnsmynd: Sverri Egholm)

Elsa Egholm er ein av teimum, sum hevur spælt nógvar evropeiskar dystir. Landsliðsspælarin sigur við síðuna hjá H71, at hesir evropeisku dystirnir eru nakað serstakir - og at H71 hevur góðan møguleika (Savnsmynd: Sverri Egholm)

2024-10-11 08:02 Author image
Agnar Prestá
placeholder

Í síðstu viku vóru tað VÍF-kvinnurnar sum royndu seg - nú eru tað hoyvíkskvinnur. 

Sí eisini: VÍF vann seinna dystin í Italia

Av tí at H71 áður hevur spælt í European Cup - og eisini staðið seg væl - so byrjar liðið í 3. umfari í triðsterkastu evropeisku kappingini.

Har skal H71 spæla móti Cyview Developers Latsia av Kypros - eitt lið sum man metir, hoyvíkskvinnur hava góðan møguleika ímóti.

Tað hjálpir eisini, at dystirnir verða spældir í Føroyum. H71 boðar frá, at báðir dystirnir verða spældir í høllini á Hálsi.

Tann fyrri verður í morgin, leygardagin 12.oktober klokkan 19. Tann seinni byrjar eitt samdøgur seinni - sunnudagin 13. oktober klokkan 19.

Atgongumerki kunnu keypast við dyrnar, og andlitsmáling byrjar klokkan 18 í høllini á Hálsi, boðar H71 frá.
placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder